Datganiad i’r Wasg
Cyhoeddwyd Pentref y Flwyddyn Calor – am 2016.
Fe gafodd enillydd Pentref y Flwyddyn Calor ei gyhoeddi heddiw – am 2016.
Mae gan y pentref buddugol ffug, Little Greenham, boblogaeth o 2,500 ac fe’i dewiswyd am y camau mawr ymlaen y mae wedi ei gymryd wrth fewnosod cynaladwyedd ymhob agwedd o fywyd y pentref.
Cafodd yr enillydd ei gyhoeddi mewn adroddiad newydd gan ‘Forum for the Future’ - Fforwm ar gyfer y Dyfodol, prif elusen datblygiad cynaladwyedd y DU, a gomisiynwyd gan Calor i ddathlu 10 mlynedd o wobr Pentref y Flwyddyn Calor.
Mae’r adroddiad yn edrych ymlaen 10 mlynedd arall at beth y gall y pentref buddugol edrych fel yn y flwyddyn 2016. Mae’r adroddiad hefyd yn cynnwys darlun o’r pentref buddugol ffug yn 2016, yn dangos nifer o nodweddion arloesol bywyd pentref modern a fydd yn cynorthwyo byw yn gynaladwyol.
Felly beth sy’n newydd yn Little Greenham? Pam enillodd y wobr? Yn y lle cyntaf mae gan y pentref gae llysiau ei hun lle y mae bwyd yn cael ei gynhyrchu ar gyfer y gymuned leol. Yn ail, mae gan y pentref Gynllun Rhannu, sydd yn cefnogi cwmnïau newydd. Mae yna fferm wynt hefyd ynghyd a chronfa ceir trydanol. Mae’r pentref wedi adeiladu 300 o dai eco gyda 40% ohonynt yn dai fforddiadwy.
Cynllun arloesol arall sydd yn unigryw i’r pentref yw pecyn croeso i newydd ddyfodiaid, sydd yn cynnwys cerdyn smart Little Greenham, a ellid ei ddefnyddio i gael disgownt gyda bysiau a thacsis, ac i gofrestru allyriadau CO2 a faint o fwyd sydd yn cael ei brynu o ffynonellau lleol.
Mae gan y neuadd bentref, a ragwelodd y newid mewn cynhyrchu a defnyddio ynni, y paneli solar mwyaf effeithiol a mwyaf diweddar ac maent yn gallu gwerthu trydan yn ôl i’r Grid Cenedlaethol.
Wrth siarad am yr adroddiad, dywedodd , Peter Madden, Prif Weithredwr Fforwm ar gyfer y Dyfodol:
“Mae pentrefi ymysg rhai o’r cymunedau cryfaf sydd gennym. Maent yn ymateb yn greadigol yn barod i sialensiau newidiadau amgylcheddol a chymdeithasol, a gallant ddarparu esiampl gref i weddill y wlad ar sut i fyw yn gynaladwyol. Rydym am weld Pentref y Flwyddyn Calor yn annog hynny.”
Yn siarad ar ran Calor, dywedodd , Suzanne Weir, Rheolwraig Pentref y Flwyddyn Calor:
“Rydym yn meddwl fod hwn yn adroddiad grêt, ac rydym yn chwilfrydig ynghylch darganfyddiadau Fforwm ar gyfer y Dyfodol. Fe fyddwn yn defnyddio mewnwelediadau'r adroddiad ynghyd â sylwadau pobl sydd yn byw mewn cymunedau gwledig i siapio cyfeiriad y gystadleuaeth yn y dyfodol.
Wrth ymateb i werth cystadleuaeth Pentref y Flwyddyn Calor, dywedodd Martin Eddy, Cydgordiwr Ymgeisio St Neot yng Nghernyw:
“Mae cymryd rhan yng nghystadleuaeth Pentref y Flwyddyn Calor wedi rhoi'r cyfle i ni gymryd stoc o bob dim yr ydym yn ei wneud fel cymuned. Gwnaeth y gystadleuaeth i ni edrych ac i adio fyny pob dim yr ydym yn ei wneud ac fe gawsom ein syfrdanu gan y cyfanswm.”
Os hoffech fwy o wybodaeth am Gystadleuaeth Pentref y Flwyddyn Calor ymwelwch â www.calorvillageoftheyear.org neu ffoniwch 01962 629768.
Os hoffech fwy o wybodaeth am Fforwm ar gyfer y Dyfodol cysylltwch â Imogen Martineau ar 07944 401111 neu i.martineau@forumforthefuture.org.uk
Nodiadau i’r Golygydd
• Mae Gwobr Pentref y Flwyddyn Calor yn 10 mlwydd oed eleni
• Mae Calor, prif gyflenwydd NPH [nwy petrolewm hylifol] i bobl sydd yn byw ac yn gweithio yng nghefn gwlad, wedi cefnogi gweithgareddau gwledig yn Lloegr, Yr Alban a Chymru am 20 mlynedd trwy’r rhaglen Gwobrwyo Wledig, sydd yn cynnwys cystadleuaeth Pentref y Flwyddyn Calor Lloegr a Chymru®, cystadleuaeth Cymuned y Flwyddyn Calor Yr Alban®.
• Mae beirniaid cenedlaethol cystadleuaeth Pentref y Flwyddyn Calor® yn edrych am gymunedau gofalgar, cytbwys, rhyngweithiol sydd, beth bynnag eu maint, wedi gwneud y gorau o gyfleoedd lleol i gynnal a gwella safon byw eu holl breswylwyr.
• Cafodd yr adroddiad yma ei gomisiynu gan Calor ac fe’i hymchwiliwyd a’i hysgrifennwyd gan yr elusen datblygiad cynaladwyol Fforwm ar gyfer y Dyfodol.
• Mae’r adroddiad yma yn tanlinellu pryderon mwyaf cymunedau gwledig heddiw; prinder tai fforddiadwy, pobl ifanc yn gadael i fyw mewn dinasoedd, colli gwasanaethau pentrefol a newid yn yr hinsawdd.
• Mae Calor yn ymroi i daclo’r materion yma trwy fewnosod cynaladwyedd i galon ei fusnes
• Mae’r adroddiad yn cynnwys argymhellion ar sut y gall Gwobr Pentref y Flwyddyn helpu i wireddu hyn
• Mae Calor yn gobeithio defnyddio'r adroddiad i ailasesu criteria beirniadu Gwobr Pentref y Flwyddyn Calor
• Fforwm ar gyfer y Dyfodol yw prif elusen datblygiad cynaladwyedd y DU. Ein hamcan yw dangos fod dyfodol cynaladwyol yn bosibl ac yn ddeniadol. Rydym yn gweithio gyda mudiadau eraill sydd yn edrych ymlaen - mewn busnes a’r sector gyhoeddus - i ddarganfod ffyrdd ymarferol o adeiladu dyfodol sydd yn ddichonadwy yn ymarferol, yn gyfiawn yn gymdeithasol ac yn ffyniannus yn economaidd.
|
