Datganiadau Diweddaraf

Back

Chwefror 2006

Calor yn Galw Holl Bentrefi Cymru I Roi Cynnig Ar Y Gystadleuaeth Gymunedol Flynyddol

Mae pentrefi ar draws Cymru yn cael eu hannog i gymryd rhan yng nghystadleuaeth fawr Pentref y Flwyddyn Calor^® Cymru. Dathliad yw hwn o gyfoeth bywyd pentrefol ar draws y wlad ac mae’n gyfle ardderchog i gydnabod llwyddiannau cymunedau unigol a chroesewir ceisiadau gan bentrefi ar unwaith.

Lansiwyd cystadleuaeth Cymru gan Calor y llynedd, gyda Chlawddnewydd, Sir Ddinbych yn cael ei goroni’n enillydd Cymru gyfan. Cafodd y gystadleuaeth ymateb cadarnhaol o gymunedau drwy Gymru yn 2005 a’r gobaith yw y bydd mwy o bentrefi nag erioed yn cymryd rhan eleni. Dywedodd Suzanne Weir, rheolwr cyfathrebu Calor, “Mae’r gystadleuaeth hon yn gyfle gwych i bobl leol ddod at ei gilydd i bwyso a mesur, yn ogystal â dathlu, yr hyn y maent wedi’i gyflawni yn eu cymuned. Mae’r mwyafrif o’r bobl yr ydym ni yn siarad â hwy wedi synnu faint sy’n mynd ymlaen yn eu pentref ac maent yn dweud fod y gystadleuaeth ei hun - ar wahân i’r gwobrwyon - yn ffordd dda o gael pawb i gyd-dynnu a gwneud iddynt deimlo’n falch o’u cynefin.”

Mae cystadleuaeth ddwyieithog Pentref y Flwyddyn Calor^® Cymru yn agored i bob pentref o 5,000 o bobl neu lai, a gallant ddewis cymryd rhan mewn hyd at chwe chategori - Bywyd Cymunedol, Busnes, Pobl Ifanc, Pobl Hŷn, yr Amgylchedd a Thechnoleg Gwybodaeth a Chyfathrebu - i gyd yn cydnabod rhagoriaeth leol. Mae gwobrau ariannol ar gael i enillwyr categori yn Ne a Gogledd Cymru, yn ogystal ag enillwyr rhanbarthol ar gyfer Gogledd a De Cymru. Bydd enillydd Cymru gyfan yn cael ei ddewis o’r ddau hwnnw.

Er mwyn i bentref gael ei ystyried ar gyfer y teitl Pentref y Flwyddyn Calor^® Cymru 2006, bydd rhaid iddo roi cynnig ar y chwe chategori i gyd.

Mae’r beirniaid yn edrych am: “Gymunedau cytbwys, gweithgar, gofalgar sydd wedi gwneud y gorau o’r cyfleoedd lleol i gynnal a gwella ansawdd bywyd i’r holl drigolion – waeth be fo maint y pentref”.

Dylai pentrefi sydd â diddordeb mewn cymryd rhan gysylltu â Calor ar 01962 629768, neu anfon e bost at: info@calorvillageoftheyear.org i holi am ffurflen gais. Am wybodaeth bellach am y gystadleuaeth, edrychwch hefyd ar wefan y gystadleuaeth (www.calorvillageoftheyear.org).

Croesewir ceisiadau gan bentrefi yn awr a’r dyddiad cau ar gyfer dychwelyd y ffurflenni cais yw Ebrill 30ain.

- diwedd -

Gwybodaeth bellach gan: Emma Flinn, Flent PR Ltd, un o gwmnïau Amaze plc
ffôn: 01223 845781 (uniongyrchol) / 0161 817 4200 (prif swyddfa)
e-bost: e.flinn@amaze.com

Nodiadau i Olygyddion:

2005 PENTREF Y FLWYDDYN CALOR® CYMRU
CANLYNIADAU TERFYNOL

Enillydd Cymru gyfan:
Clawddnewydd, Sir Ddinbych

Enillydd Gogledd Cymru:
Clawddnewydd, Sir Ddinbych

Enillydd De Cymru:
Ffarmers, Sir Gaerfyrddin

Enillwyr Categori Rhanbarthol Gogledd Cymru

Enillwyr Categori Rhanbarthol De Cymru:

Pentref y Flwyddyn Calor®

Mae Calor, prif gyflenwr LPG (nwy petroliwm hylifol) i’r rhai sy’n byw a gweithio yng nghefn gwlad, wedi cefnogi gweithgareddau gwledig yng Nghymru, Yr Alban a Lloegr am 20 mlynedd drwy ei raglen o Nawdd Gwledig, sydd yn cynnwys cystadleuaeth Pentref y Flwyddyn Calor^® Lloegr, cystadleuaeth Cymuned y Flwyddyn Calor yn yr Alban a’r llynedd, am y tro cyntaf, cystadleuaeth
Pentref y Flwyddyn Calor^®. Mae’r tair cystadleuaeth yn cael eu trefnu a’u hariannu gan y cwmni pob blwyddyn.

Mae cystadleuaeth Pentref y Flwyddyn Calor^® Cymru yn agored i gymunedau gwledig sydd â phoblogaeth o 5,000 o bobl neu lai, drwy Gymru. Mae’n agored i bob Cyngor Bro neu grwpiau cymunedol eraill os ydynt yn cydymffurfio â’r meini prawf canlynol:

• Cymdeithas neu ymddiriedolaeth leol sydd “ddim er elw” a sefydlwyd i wella iechyd cymdeithasol, economaidd neu amgylcheddol y gymuned leol.

• Pwyslais cryf ar gyfranogaeth unigolion neu grwpiau lleol sy’n weithgar yn y gymuned.

• Partneriaethau, rhwydweithiau neu fforymau sydd yn gweithredu o fewn cymuned leol.

Nodwch, os gwelwch yn dda, fod Pentref y Flwyddyn Calor^® yn nod masnach cofrestredig a dylid cyfeirio ato yn llawn bob tro.

Mae beirniaid cenedlaethol Pentref y Flwyddyn Calor^® yn edrych am gymunedau cytbwys, gweithgar, gofalgar sydd wedi gwneud y gorau o’r cyfleoedd lleol i gynnal a gwella ansawdd bywyd i’r holl drigolion – waeth be fo maint y pentref.

Mae cyfanswm o £8,500 o wobrau ariannol ar gael ar gyfer cystadleuaeth Pentref y Flwyddyn Calor^® 2006. £1,500 yw’r wobr gyntaf, gyda £500 yr un yn mynd i enillwyr rhanbarthol Gogledd a De Cymru. Ar ben hynny, mae chwe gwobr ariannol o £500 i’r Gogledd a’r De am y gwahanol gategorïau (yn cynnwys Bywyd Cymunedol, Busnes, yr Amgylchedd, Gofalu am Bobl Hŷn a Gofalu am Bobl Ifanc a Technoleg Gwybodaeth a Chyfathrebu)

Am wybodaeth gyffredinol am gystadlaethau Pentref y Flwyddyn Calor^® Cymru a Lloegr:
e-bost: info@calorvillageoftheyear.org ffôn: 01962 629768neu edrychwch ar www.calorvillageoftheyear.org

Am wybodaeth bellach am gystadleuaeth Cymuned y Flwyddyn Calor^® Yr Alban ewch i:
www.communityoftheyear.co.uk